PARA SA AGARANG PAGHAHAYAG
Inanunsyo ng Lungsod ng San José at County ng Santa Clara ang bagong lugar ng pagsusuri sa East San José sa pakikipagtulungan sa Verily
SAN JOSE, Calif. (Mayo 4, 2020) – Ang Lungsod ng San José at County ng Santa Clara ay nagpatayo ng isang bagong drive-through na lugar ng pagsusuri sa COVID-19 sa East San José noong Lunes, Mayo 4, sa pakikipagtulungan sa Baseline COVID-19 Program ng Verily.
Ang bagong lugar ng pagsusuri na nakabase sa komunidad sa California, sa PAL Stadium, ay nagdaragdag sa isang lugar ng pagsusuri sa Santa Clara County Fairgrounds na nagbukas noong Marso.
Maaaring gamitin ng mga residente ng Santa Clara County ang screener sa online ng Baseline COVID-19 Program at sistema ng pag-iskedyul ng appointment sa www.projectbaseline.com/COVID19 upang i-screen ang kanilang mga sintomas at, kung karapat-dapat, gumawa ng isang appointment para sa pagsusuri. Ang website ay magagamit sa Ingles at Espanyol.
Ang libreng screening at pagsusuri ay isang serbisyo ng Estado ng California sa pamamagitan ng Verily, isang kumpanya ng Alphabet. Hindi kinakailangan ang health insurance. Ang pangangalagang medikal ay hindi ibinigay sa lugar.
"Itong pakikipagtulungan sa Verily ay kritikal na pinapalakas ang diagnostic na pagsusuri na kailangan nating dramatikong taasan upang ligtas na mabuksang muli ang ating ekonomiya," sabi ni Sam Liccardo, Alkalde ng San José. "Salamat sa lahat ng pangkat ng Google/Verily, lalo na si Javier Gonzales, na tumugon sa aming pag-udyok na mapalawak ang aming pagsusuri ng COVID-19 sa San Jose."
"Nais namin na ang lahat sa ating komunidad ay magkaroon ng access sa pagsusuri. Iyon ang layunin," sabi ni Cindy Chavez, Pangulo ng Lupon ng mga Superbisor ng Santa Clara County.
Simula sa Mayo 4, ang pagsusuri sa San José ay magagamit mula 9 a.m. hanggang 3 p.m. Lunes hanggang Biyernes sa pamamagitan ng appointment lamang sa PAL Stadium, sa 680 S. 34th St., pati na rin ang Santa Clara County Fairgrounds, sa 344 Tully Road. Ang bawat lugar ay magkakaroon ng kapasidad na maglingkod ng ilang daang tao bawat araw. Ang iskedyul ng pagsusuri, kabilang ang mga oras ng operasyon, ay maaaring mababago sa paglipas ng panahon upang matugunan ang mga pangangailangan ng komunidad.
Tutulong ang mga kawani ng Lungsod ng San José sa pagdidirekta ng mga sasakyan sa lugar ng pagsusuri sa PAL Stadium. Ang mga detalyadong palatandaan sa lugar na magiging gabay ng mga customer ay ipapakita sa Ingles, Espanyol at Vietnamese.
Ang Baseline COVID-19 Program ay isang pagsisikap na palawakin ang pag-access sa screening at pagsusuri ng COVID-19 sa mga lugar na may mataas na numero ng mga natukoy na kaso, habang pinapagana ang mga opisyal ng pampublikong pangkalusugan na tumuon sa mga pagsisikap sa pagsusuri. Binuo ng Verily, isang kumpanya ng Alphabet, ang programa sa pakikipagtulungan sa estado ng California. Ang Baseline COVID-19 Program ay isang konektadong solusyon upang suportahan ang mga indibidwal mula sa screening hanggang sa pagsusuri at sa pagtanggap ng kanilang mga resulta ng pagsusuri, na ginagawa sa ilalim ng direksyon ng doktor.
Unang pagtutuunan ng programang pagsusuri ang mga populasyon na may mataas na panganib. Ang pagiging karapat-dapat para sa pagsusuri ay tinukoy ng California Departament of Public Health at maaaring mai-update upang ipakita ang pinakabagong gabay mula sa mga awtoridad ng pampublikong kalusugan. Ang mga karapat-dapat na indibidwal ay dapat na 18 taong gulang o mas matanda at handang pumirma ng isang elektronikong Awtorisasyon ng Pampublikong Pangkalusugan ng COVID-19 at ng Pahintulot sa Lab.
Ang priyoridad para sa pagsusuri ay ibibigay sa mga taong may mga sintomas tulad ng lagnat, ubo o igsi ng paghinga. Ang mga manggagawa sa frontline na walang mga sintomas na maaaring nalantad sa COVID-19, tulad ng mga first responders o sa mga nagtatrabaho sa health care o mga pasilidad ng kulungan, ay karapat-dapat din sa pagsusuri.
Para sa karagdagang impormasyon tungkol sa Baseline COVID-19 Program, bisitahin ang www.projectbaseline.com/COVID19 (Ingles) or https://www.projectbaseline.com/intl/es-419_ALL/studies/covid-19/ (Espanyol).
@HealthySCC
Facebook ng Pampublikong Kalusugan: www.facebook.com/sccpublichealth
Website ng Pampublikong Kalusugan: covid19.sccgov.org/home-tl
Data Dashboard ng Pampublikong Kalusugan: covid19.sccgov.org/data-mga-ulat-sa-covid-19